Käytänön tietoja

Tervetuloa kattomhaan näyttelyä Syntymä 2 kerroksela Norrbottenin museummissä!
Näyttelyhuone on auki kävelijöile tiistai-perjantai 10-16, lauantai-pyhä 11-16.
Näyttelyhuone saattaa välistä olla varattu ryhmile jokka on buukanheet etukätheen.

Kun tulet näyttelyhuonheesheen saat ottaa pois kengät eli lainata kenkäsuojia.
Ilmota mielelhään etukätheen jos oletta suurempi ryhmä eli porukka joka aikoo vieraila näyttelyä. Kontaktaa sillon myseymmin resepsjuunia: 0920-24 35 02.

Käyttettävyys:
Norrbottenin museummin huonheet on sovitettuja toiminanvaikeuksille. On olemassa rullatooliramppia, hissiä kerroksitten välissä sekä sovitettuja tualettia. Parkkeerinkipaikkoja toiminanvaikeuksitten henkilöile on keskelä myseymmin kartanolla. Tämäki vebbipaikka seuraa niin kauas kun maholista kansanvälistä stantartia WCAG.

  Dikitaalista sisältöä:
Kaikki näyttelyn tieto on dikitaalisessa muotossa. Lainaa i-padin, istahta ja tutki sisältöä. Sie saatat esimerkiks kuunela poddia, kattoa filmiä ja syventyä suurheen läjhään kertomukshiin monesta jännittävästä henkilöstä joila on sitheitä Norrbottenhiin. Näyttelyssä on monta i-paddia käytettävänä. Vieraile kans näyttelyä sivula ushnorrbotten.se – käytettävänä vuorokauven ympäri riippumatta missä asut.